Do infindo ó concreto, da aventura tráxica á alegre, velaquí oito relatos ambientados no mar, un espacio privilexiado para a ficción, como privilexiado é o lector que se anime a mergullarse nas súas páxinas. Algúns relatos foron escritos por autores que forzosamente tiñan que estar neste volume, por ser o mar parte da súa biografía; é o caso de ·rumbo oeste", de Jack London e de "O dobre secreto", de Joseph Conrad. Outros son o resultado de visitas máis fugaces (Washington Irving, Henry James,...) pero que souberon, aínda así, captar algunhas das inmensas posibilidades que o mar ofrece. Todos teñen en común saber tirar proveito do sentido da aventura que no mar está máis vivo ca en ningún outro lugar, por ser un espacio só marcado por esa peculiar fronteira que é o horizonte. E, se todos xogan coa inmensidade do mar, algún a fai contrastar con esoutro espacio onde os límites están demasiado preto e resultan inexcusables: o barco. Poucos espacios serven con tanta eficacia a historias de relacións entre os homeS.

A travesía ; Mocha Dick ; Unha traxedia por error ; Marea alta ; O bote ; O dobre secreto ; Rumbo oeste ; O barco fantasma