É o verán de 2014. Unha muller nova que acaba de ser abandonada pola súa parella foxe de Barcelona a Madrid cun segredo e a convicción de que a apocalipse se achega.

Catro séculos antes, outra muller, Deborah Moody –quen pasou á historia como «a muller máis perigosa do mundo»–, vese obrigada a emigrar ás colonias de América do Norte cargando á súa vez con outro segredo, moi distinto.

Que teñen en común estas dúas mulleres? Por que decidiron afastarse daquilo que coñecen e empezar de novo?

As súas voces debullan dúas historias cruzadas sobre violencia e hipocrisía, bruxas e curandeiras. Sobre Salem como posibilidade dun mundo novo no que algo poida frutificar, lonxe de quen xulga e condena. Sobre Barcelona como un espazo hackeado, desalmado e roto pola xentrificación, ao bordo do colapso, no que o namoramento é unha enfermidade e nada pode salvarse. Ou si?

1º-2º BAC